День памяти иконы Пресвятой Богородицы «Отрада» или «Утешение» | Сайт "Прихода храма Введения во храм Пресвятой Богородицы"

Икона Пресвятой Богородицы «Отрада» или «Утешение» Ватопедская

21 января ст.ст. (3 февраля н.ст.)

Икона Божией Матери, именуемая «Отрада» или «Утешение», находится в древнем Ватопедском монастыре на Афоне, в храме Благовещения. Название Ватопедской она получила от того, что в 390 году возле острова Имброс, напротив Святой Горы, упал в море с корабля юный царевич Аркадий, сын императора Феодосия Великого (379-395), и чудным заступлением Божией Матери был перенесен на берег целым и невредимым. Здесь его наутро нашли спящего глубоким, спокойным сном под густым кустом, недалеко от разрушенного Благовещенского собора. От этого события и произошло название «ватопед» (βάτος παιδός – «куст отрока»). Император Феодосий в благодарность за чудное избавление сына воздвиг вместо разрушенной обители новый храм, алтарь храма находился на том самом месте, где был найден спасенный юноша.

На протяжении не одного столетия благотворителями, поддерживающими монастырь, становились византийские императоры, русские самодержцы, сербские и молдавские государи.

Четыреста лет благополучно проходила монашеская жизнь в обители, но в 807 году произошло событие, прославившее икону Божией Матери. Ранним утром шайка разбойников, замыслившая дерзкий набег на Ватопедскую обитель, укрывшись среди береговых камней, ожидала открытия монастырских ворот. После утренней службы вся братия разошлась по кельям, а в храме остался лишь настоятель, творивший молитву возле образа Пресвятой Богородицы. Неожиданно он услышал голос, исходящий от иконы: «Не отверзайте сегодня врат обители, но взойдите на стены монастыря и разгоните разбойников!». Изумленный и смущенный игумен, подняв глаза на икону, увидел поразившее его чудо: лики Богоматери и Божественного Младенца ожили. Предвечный Младенец, пытаясь Своей рукой заслонить уста Своей сострадательной Пречистой Матери, строго сказал: «Нет, Мати Моя, не говори им этого! Пусть они будут наказаны!». Но Божия Матерь, слегка уклонившись вправо, снова повторила: «Не отверзайте сегодня врат обители, но взойдите на стены и разгоните разбойников».

Игумен, объятый страхом, поспешил собрать братию монастыря и рассказал о случившемся чуде. Взглянув на образ Божией Матери, монахи были поражены изменениями, произошедшими с очертаниями изображений Пресвятой Богородицы и Младенца Христа: Милосердная Богоматерь, уклонившись лицом вправо, удерживала руку Сына, заслоняющую Ее уста. На лике Божией Матери было выражение сострадательной любви и утешения, в то время как лик Младенца из кроткого стал грозным и полным неумолимого суда.

Пораженные иноки, прославив заступничество Пресвятой Богородицы, поспешили на монастырские стены и мужественно отразили нападение разбойников. Возвратившись в храм, они отслужили долгий благодарственный молебен Заступнице Небесной.

С тех пор эта чудотворная икона и именуется «Отрадой» или «Утешением». В память чудесного избавления обители перед святым образом горит неугасимая лампада.

В октябре 2009 года, по Благословению Митрополита Минского и Слуцкого Филарета, Патриаршего Экзарха всея Беларуси, при приходе «Введение во храм Пресвятой Богородицы» г. Минска было создано сестричество в честь иконы Пресвятой Богородицы «Отрада» или «Утешение». В 2010 году список иконы «Отрада» или «Утешение», покровительницы сестричества, был написан одной из белорусских монахинь и занял свое почетное место в нашем храме.

Икона Божией Матери «Отрада» или «Утешение» очень почитается среди православных верующих России, Беларуси и Украины. Списки с чудотворного образа пребывают во многих храмах, среди них – Ляденский Свято-Благовещенский монастырь в Беларуси, Афонский храм Санкт-Петербургского Воскресенского Новодевичьего монастыря, храм иконы Божией Матери «Отрада» или «Утешение» на Ходынском поле в Москве.

Многочисленные чудеса, совершающиеся по горячим молитвам веры перед иконами Пресвятой Богородицы, являются неопровержимым доказательством всемилостивого заступничества Царицы Небесной.

Акафист Пресвятой Богородице в честь иконы Ея «Отрада» или «Утешение»

Кондак 1:

Возбранных сил небесных радость и хваление,// всего же рода человеча исправление,// ублажаем Тя, пречистая Дево Мати,// Ты же, наше упование единое,// низпосли душам отраду благодатную,// да поем Тебе, образ дивный Твой чтуще:
Радуйся, Божия Мати, Невесто нетленная, светлая наша отрадо.

Икос 1:

Ангелов лицы дивятся, образ афонский Твой зряще, на немже, пречистая Дево и Мати, от уст нетленных рукою десною десницу Младенца отводиши кротко. Что сие сть знамение образа? Мы же речем, поюще таковая:
Радуйся, Дево, Всевышняго Мати; радуйся, дивный раю благодати. Радуйся, наша отрадо небесная; радуйся, людем надеждо известная. Радуйся, образ бо Твой спасение возвещает всей земли; радуйся, взор бо Твой утешение пребывающим во тли. Радуйся, свете небесный, мглу наших дней озаряяй; радуйся, цвете нетленный, тлен наших дел оживляяй. Радуйся, Ты бо молитвы к Сыну за мир весь твориши; радуйся, яко в теплой молитве, аки светильник, гориши. Радуйся, радостно Ти восклицаем; радуйся, песненно Тя воспеваем.
Радуйся, Божия Мати, Невесто нетленная, светлая наша отрадо.

Кондак 2:

Недоумеет ум дольний тайны Твоея разумети, Пречистая богоблаженная Дево, Ты бо, в лоно чистое действием Духа приимши безсеменно Отчее Слово, Бога человеком сочетаеши и песнь повелеваеши всем пети: Аллилуия.

Икос 2:

Гору Афонскую, Дево, Сыном Ти данную в жребий, покровом Своим осеняющи свыше, храниши дивно от бед и напастей. Благодатных икон Твоих чудесы обители афонския славятся и гласы преподобными Тя  хвалят:
Радуйся, Дево, отрадо в печалех; радуйся, скоропослушнице в скорбех. Радуйся, сущим в пути Одигитрие; радуйся, храмов священных вратарнице. Радуйся, добрая предвозвестнице унывающим в беде; радуйся, верное утешение притекающим к Тебе. Радуйся, бедным богатство, елеоносная Жено; радуйся, чтущим акафист благоволящая тайно. Радуйся, в келлии старцу рекшая «Радуйся» чудно; радуйся, живоприемная Мати. Радуйся, Тя бо достойно есть пети; радуйся, Тя бо по долгу ублажаем.
Радуйся, Божия Мати, Невесто нетленная, светлая наша отрадо.

Кондак 3:

Евину гордую прелесть Девы смиренное «Буди» в очах Милосерднаго всю упраздняет: се Сын Божий Сын Девы бывает и Бог неприступный живет с человеки, темже благодарственное пение немолчными усты воссылаем: Аллилуия.

Икос 3:

Ликостояще над морем, светом  молитвы сияют пред Богом святни Афона и явно Божия Матере слава Афона святыя главы осеняет, к пению на всяк час призывающи пустынников, поющих Ей хвалебно:
Радуйся славо пустынь вожделенных; радуйся, чудо высот поднебесных. Радуйся, гор и холмов осенение; радуйся, скал и стремнин  освящение. Радуйся, Еюже открывается путь в небесныя страны; радуйся, Еюже отверзается рай нетленныя весны. Радуйся, крине в юдоли, благоуханная радосте; радуйся, лилие в поли, приснотекущая сладосте. Радуйся, света восточе, долы земли озаривый; радуйся, жизни поточе, воду живую  явивый. Радуйся, гласе немолчных молений; радуйся, щите  священных  селений.
Радуйся, Божия Мати, Невесто нетленная, светлая наша отрадо.

Кондак 4:

О человеческом роде, еже спасти ны, о Дево, в молитвах пред Сыном сладчайшим стоиши; о Мати, людем благая отрадо, Ты видиши бездну грехов наших лютых, мы же, в рове истления поверженнии, не смеем возвести очес и пети: Аллилуия.

Икос 4:

Ватопеда обитель славится образом чудным, ему же есть древнее имя Отрада. О нем предание старец блаженный хранит благодатную дивную повесть, во славу Богородицы заступницы, да  слышаще  сию, поем  Пречистей:
Радуйся, миру благая отрадо; радуйся, верным стено и оградо. Радуйся, чудо чудес несказанное; радуйся, небо небес осиянное. Радуйся, любящим жизнь безмолвия святых желаний краю; радуйся, ищущим безмятежия  желанный раю. Радуйся, яко Тобою всяка душа оживает; радуйся, яко Тобою мертвенный ум воскресает. Радуйся, веры горнило, имже неверие тает;радуйся, тайная сило, яже от тли возставляет. Радуйся, славо отшельников твердых; радуйся, крепосте иноков бодрых.
Радуйся, Божия Мати, Невесто нетленная, светлая наша отрадо.

Кондак 5:

Рождшая жизнь всему миру, рождшая милости бездну, о Дево Пречистая, оком янейшим зриши наших печалей пучину, слышиши гласы земных воздыханий, скоро к нам на помощь притекающи, и учиши нас пети Всеблагому: Аллилуия.

Икос 5:

Алчуще злата и крове, дерзко разбойницы с моря обитель святую в нощи облагают, да зело утро, вратом отворенным, убивше монахов, расхитят святыни. Ты же, неусыпная Заступнице, удел Свой защищаеши, да славит Тя:
Радуйся, Ватопеда отрадо; радуйся, вражиим кознем преградо. Радуйся, замыслов злых обличение; радуйся, лютых врагов отражение. Радуйся, Ты бо не усыпаеши, Свой спасающи  удел; радуйся, Ты бо бодрственно отвращаеши тучи смертоносных стрел. Радуйся, крепосте чтущих святость икон Твоих чудных; радуйся, столпе поющих славу чудес Твоих многих. Радуйся, кротких победо и поражение гордых; радуйся, правых защито и посрамление лживых. Радуйся, Ты бо еси заблудших кормило; радуйся, Ты бо еси молитвы кадило.
Радуйся, Божия Мати, Невесто нетленная, светлая наша отрадо.

Кондак 6:

Девственный взор Твой, благая Мати, потоки любви и щедрот изливает: Ты нас храниши в исходех и входех, спасаеши верных на суши и в мори, аще токмо искра покаяния возникает в сердце, еже воспевати: Аллилуия.

Икос 6:

Общия молитвы в час утра иноцы совершивше, отъидоша в келлии до литургии, обаче игумен обители в храме един моляся, от иконы Твоея Отрады глас слыша: «Врат не отверзайте днесь», трепетом же объят сый, сице старец восклицаше:
Радуйся Дево, Ты бо еси стража святыни; радуйся, яко дом Твой спасаеше ныне. Радуйся, щите заутра и нощию; радуйся, грозная силою многою. Радуйся, Ты бо щадиши грешныя милосердием Твоим; радуйся, Ты бо поражаеши сильныя, востающия на ны. Радуйся, венче надежды, знаменование мира; радуйся, жезле победы, обетование славы. Радуйся камню сапфире, подобный видению неба; радуйся, светлый престоле и колеснице Царева. Радуйся, яко глас Твой сладок ушима; радуйся, яко образ Твой красен очима.
Радуйся, Божия Мати, Невесто нетленная, светлая наша отрадо.

Кондак 7:

Сын Человеческий близ есть, Суд Его Страшный при дверех – вещает нам глас богоносных Писаний, обаче нерадим о кончине, лениви суще, и грозным глаголом не внемлем, вси бо суете повинни волею, и слово изрещи не вемы Богу: Аллилуия.

Икос 7:

Трепетно старец игумен к образу взор свой возводит и видит: се лицы пред ним оживают, и Деве грозный Младенец рукою уста заграждает, глаголя: «О Мати, непровещавай, да накажутся». Старец же, ужасаяся, поет  Пречистей  тако:
Радуйся, Дево, Владычице мира; радуйся, неба Царице благая. Радуйся, яко Божий гнев утоляеши; радуйся, яко грозный суд отвращаеши. Радуйся, Мати всемилосердная, избавление от бед; радуйся, помоще благодатная, упование душам. Радуйся, Ты бо печали наша отгониши скоро; радуйся, Ты бо болезни грешных врачуеши дивно. Радуйся, якоже утро, свет проливающая тихий; радуйся, якоже солнце, согревающая хладныя души. Радуйся, чудная Отроковице; радуйся, дивная Богоневесто.
Радуйся, Божия Мати, Невесто нетленная, светлая наша отрадо.

Кондак 8:

Единомысленно, Дево, взоры к Тебе обращаем, Ты бо в день воздаяния нас не оставляеши; простри убо нам щедрую Свою руку, грехми бо падохом до адския бездны, и кто нас избавит от грядущих мук, кто же нас утвердит, во еже пети: Аллилуия.

Икос 8:

Мати отводит десницу сладкаго Сына и, мало лице откланяющи, старцу глаголет: «На стены братия вся да выходят и лютых разбойников да отражают!» Старец же всю братию глашает и, видевше вси чудо, воспевают:
Радуйся, Мати благая Христова; радуйся, тихой пустыни покрове. Радуйся, аще и не вемы, киими Тя хвалебными возвеличим словесы; радуйся, аще и не вемы, кия благодатныя принесем Ти похвалы. Радуйся, яко Свет превечный носиши неопалимо; радуйся, яко Огнь ипостасный держиши непостижимо. Радуйся, Тя бо имамы необоримую стену; радуйся, Тя бо вси вемы милости велию бездну. Радуйся, херувимов честнейшая; радуйся, серафимов славнейшая.
Радуйся, Божия Мати, Невесто нетленная, светлая наша отрадо.

Кондак 9:

Иов, страдалец пред Богом, мудренно нас поучает, глаголет бо: се, благочестие – мудрость, и благо всем уходящим от мира и сладостный подвиг молитвы подъявшим, имже помогает Богородица в молитвах укреплятися и звати: Аллилуия.

Икос 9:

Радостно в храме сем зряще список с иконы Отрады афонских обителей дар драгоценный, в молитве мысленно соединимся с хвалебными лики отцев-святогорцев, иже от заоблачных высот своих Пречистую нас пети приглашают:
Радуйся, стран и народов святыне; радуйся, всех христиан благостыне. Радуйся, Огнь во утробу приявшая; радуйся, Слово во плоти явившая. Радуйся, облаче света легкий, в мир принесший Христа; радуйся, лествице, возводящая от земли на небеса. Радуйся, стамно манны, алчущим сладкая пище; радуйся, чаше златая, жаждущим новое пиво. Радуйся, вышнее небо, свет озаряющее верным; радуйся, тучная ниво, всем веселящая души. Радуйся, тихая ангелов славо; радуйся, людем благая отрадо.
Радуйся, Божия Мати, Невесто нетленная, светлая наша отрадо.

Кондак 10:

Ум к небеси устремивше, чувства вознесше над тленом, о, коль вожделенно спастися от мира, имуще едино духа стремление к горним, едину сердца надежду на Бога. Помогай нам, Дево Богородице, и в путь веди нас правый, еже пети: Аллилуия.

Икос 10:

Образ честный провождая в путь от Афона на север в покров благодатный обители новыя, в залог небесныя помощи граду, честный схимонах святогорец вещает: Се благословение Владычицы! Молитеся и веруйте, и пойте:
Радуйся, яко еси нам покров благодатный; радуйся, яко еси нам залог упований. Радуйся, сущим  в  бедах утешение; радуйся, сущим в грехах умиление. Радуйся, яко в час гнева Божия укрепляеши сердца; радуйся, яко в день испытания умудряеши умы. Радуйся, яко злых наветов тучи от нас отвращаеши; радуйся, яко в годы бедствий не до конца погубляеши. Радуйся, яко во дни бурь безбожных Ты еси единая нам пристань; радуйся, яко прелестей ложных избавляеши нас присно. Радуйся, в жизни нам тихая радосте; радуйся, в вечности райская славо.
Радуйся, Божия Мати, Невесто нетленная, светлая наша отрадо.

Кондак 11:

Темныя силы владеют в мире силою же и славою и света Христова познати не могут, но верным токмо молитва есть сила, им слезы – залог и победы, и славы. О Дево Мати, даждь нам тучу слезную и бодрственный нам ветр возвей, поющим: Аллилуия.

Икос 11:

Радость на лицах сияет, глас вопиет от Афона: Владычица шествует к вам, исходите, сретайте Деву небес со свещами, сретайте же паче Сию со слезами радости, любве и умиления и празднуйте, и светлым гласом пойте:
Радуйся, кивоте освященный; радуйся, престоле вознесенный. Радуйся, горних чинов воспевание; радуйся, адовых сил трепетание. Радуйся, яко еси веселие человеческим сердцам; радуйся, яко еси спасение совратившимся душам. Радуйся, яко глас Твой пресладкий вечную радость вещает; радуйся, яко взор Твой претихий нам тишину обещает. Радуйся, яко Сына и Бога Ты умолиши о людех; радуйся, яко райских чертогов Ты нам отверзаеши двери. Радуйся, храмино Духа Святаго; радуйся, скине Бога живаго.
Радуйся, Божия Мати, Невесто нетленная, светлая наша отрадо.

Кондак 12:

Ангельския днесь воспеваем песнь благодатней Марии: Сия бо есть сладость, и рай, и блаженство, отрада в час испытаний и гнева, надежда блаженств безконечных по смерти. Радуйся убо, Заступнице усердная, и радость подавай нам пети Богу: Аллилуия.

Икос 12:

Да защитит Богомати образом дивным Отрады молитвы оплот — монастырь сей и храмы, да во век не угаснет лампада пред ликом спасительным Богоневесты, сонми же монахов гласом радости с миряны немолчно взывают:
Радуйся, храме, светлейший Сиона; радуйся, свете и славо Афона. Радуйся, иноков мысль непрестанная; радуйся, девственных песнь неумолчная. Радуйся,яко росу утешения посылаеши во дни. Радуйся, яко слезы умиления исторгаеши в нощи. Радуйся, дивное имя, чудотворящее в тайне; радуйся, Божие миро, в мир излиянное щедро. Радуйся, яко Тобою лиется нам свет безконечный; радуйся, яко с Тобою вечно Младенец предвечный. Радуйся, светлосте людем, Тя чтущим; радуйся, радосте нам, Тя поющим.
Радуйся, Божия Мати, Невесто нетленная, светлая наша отрадо.

Кондак 13:

О всепречистая Дево, светлая наша Отрадо, сладчайшаго Сына нетленная Мати! От всяких бед и скорбей ограждай нас и от будущих мук избави нас, Благая, радости же вечныя сподоби нас у горняго престола воспевати: Аллилуия.

Сей кондак читается трижды, затем 1-й икос и 1-й кондак.

Молитва

О Пресвятая Владычице Госпоже Дево Богородице, Невесто нетленная, Мати благословенная, светлая наша отрадо, вожделенное утешение! Приими ныне дерзновенное и неотступное моление сие, от грешных устен и недостойных душ Тебе приносимое пред святым и светозарным Твоим образом. Пощади ны, милостивая и милосердная и щедролюбивая наша заступнице, и не предаждь нас суду и гневу Сына Твоего и Спаса нашего, Господа Иисуса Христа, Ему же без конца согрешихом и повинни есмы осуждению и праведному Его изречению, да накажемся по грехом нашим превозшедшим всякую меру Его долготерпения. Приникни с высот Твоих горних, идеже ангели трепетно славят Тя, и воззри на нашу дольнюю нищету: како обнищахом верою, како бедствуем надеждою и оскудехом любовию, како умом омрачихомся, сердцем же и чувством ожесточихомся. Уврачуй нас молитвою Твоею, Дево целебнице. Возстави ны, падшия духом, укрепи разслабленныя умом, возбуди унылыя и отчаянныя, исцели болящия душею и телом. Призри на град наш и пощади его, Божий отводящи Твоим предстательством гнев. Укроти гордостная стремления людей и богоотступная их шатания. Возвей тихое дыхание благодати Твоея на смятенныя души и сокрушенная сердца. Сохрани супружеством чистоту, материнству честь, девству благословение. Низпосли под кров жилищ наших освящающий луч божественнаго света, да обличатся деяния неподобная и устыдятся речи хульныя, и укротятся мысли злобныя. О миролюбивая, благостнейшая и тишайшая Дево Мати, о падениих наших скорбящая, о спасении нашем воздыхающая! Утоли церковныя бури, умири расколы и распадения, собери расточенныя, обрати отпадшия и всех приведи в единение Святыя Церкве, да единодушно и единомудренно славится на земли, якоже и на небеси, единое святейшее и спасительное имя Единосущныя Троицы, Отца и Сына и Святаго Духа, во веки веков. Аминь.

Тропарь, глас 4

К Богородице прилежно ныне притецем, / грешнии и смиреннии, и припадем, / в покаянии зовуще из глубины души: / Владычице, помози, на ны милосердовавши, / потщися, погибаем от множества прегрешений, / не отврати Твоя рабы тщи, / Тя бо и едину надежду имамы.

Кондак, глас 8

Взбранной Воеводе победительная, яко избавльшеся от злых, благодарственная восписуем Ти раби Твои, Богородице; но, яко имущая державу непобедимую, от всяких нас бед свободи, да зовем Ти: Радуйся, Невесто неневестная.

Величание

Величаем Тя, Пресвятая Дево, богоизбранная Отроковице, и чтим образ Твой святый, имже точиши исцеления всем с верою притекающим.

Comments are closed.